vergobret

vergobret

Vergobret, en ancien langage des Bourguignons ducaulx c'estoit le souverain magistrat lequel estoit annuel, et avoit haute justice sur tous ceux du pays. Cesar. Aucuns pensent que ce mot de Bourguemaistre, dont és villes d'Allemagne et ailleurs l'usage est ordinaire, vienne dudit vergobret par corruption du mot, comme si on disoit Bourgue maistre pour vergobreste, mais le naif de la composition dudit mot bour guemaistre, qui vaut autant que commandant au bourg, y repugne. Il est vray que Jehan le Maire dit que les Bourguignons sont appellez de ce mot bourg, ce que faisoit argument que le mot de Bourguemaistre, est procedé d'eux, qui l'appelloyent anciennement vergobret comme dit Cesar.